Pescoèi de Boggiasco
(canzone genovese)
parole e musica di Piero Bozzo

Pescoèi pe pascion..
pescoèi pe demoa..
pescoèi d'ogni oa...
pescoèi boggiaschin!
se va a porpezzà
de là da Tadiello
fin sott'a o Castello
remmando cianin.
canta pescòu contento
fra rè ingheuggeite e vivo argento...
tregge, naselli, euggiae
e porpi grixi che paan smaltaè!
canta pescòu da canna
pe oe e oe in sciò meu a ..sperà...
canta unn-a ninna nanna
pe questo paize ch'o fa innamoà!
"Boggiasco preziosa perla
luxente e vea
de questa conchiglia azzurra
ciammà : Rivea!"
canta pescòu contento
co-e gambe a bagno in te l'aegua sa..
mia un po quante argento
che te regalla ogni votta o ma!
co-a lunn-a, co' so..
co-a calma, co' vento..
qualunque momento
pe niatri va ben!
ne basta andà in ma
co-e rè o con l'esca
qualunque l'è a pesca
pe niatri va ben!